క్రైమ్ మిర్రర్, ఆన్ లైన్ డెస్క్ : ‘కాంగ్రెస్ పార్టీ అధికారంలోకి వస్తే ఉద్యమ సమయంలో అందెశ్రీ రాసిన ‘జయ జయహే తెలంగాణ’ పాటని రాష్ట్ర గీతంగా ప్రకటిస్తాం. వాహనాల రిజిస్ట్రేషన్ కోడ్‌ని TSని TGగా మారుస్తాం. సబ్బండ వర్గాలను ప్రతిబింబించేలా అసలైన తెలంగాణ తల్లిని ఆవిష్కరిస్తాం. తెలంగాణ కోసం ప్రత్యేకంగా ఓ జెండా రూపకల్పన చేస్తాం’ అంటూ పీసీసీ చీఫ్ రేవంత్ రెడ్డి రోజుల క్రితం సంచలన ప్రకటన చేశారు. ఈ వ్యాఖ్యలే ఇప్పుడు తెలంగాణ కాంగ్రెస్‌లో రచ్చలేపుతున్నాయి.
Also Read : మునుగోడు యువతకు బంపర్ ఆఫర్ ప్రకటించిన కేఏ పాల్….
మాతో చర్చించకుండా మీ ఇష్టమొచ్చినట్లు హామీలు ఇచ్చేస్తారా?.. విగ్రహాలు మార్చేస్తారా? అని రేవంత్ రెడ్డిపై సీనియర్ నాయకులు సీరియస్ గా ఉన్నారు. అందెశ్రీ రాసిన పాటపై అప్పట్లోనే భిన్న స్వరాలు వినిపించాయి. ఆ పాటను రాష్ట్ర గీతంగా ఎంపిక చేయక పోవడంపై కొందరు తీవ్ర అసంతృప్తి వ్యక్తం చేశారు. వీరందరినీ తన వైపునకు తిప్పుకునే రేవంత్ ఎత్తుగడ వేశారు. ఇక తెలంగాణ తల్లికి కూడా గులాబీ రంగులు అద్దేశారనీ. ఈ విగ్రహం అసలు యావత్ తెలంగాణ జాతికి ప్రతిబింబం కాదనీ. కేవలం టీఆర్ఎస్ ప్రతిరూపమనీ కొత్త చర్చ తెరపైకి తెచ్చారు. ఇప్పటివరకూ ఏ రాష్ట్రానికీ ప్రత్యేకంగా జెండా అంటూ లేదు.
Read Also : దేశవ్యాప్తంగా 45 ప్రాంతాలలో ఈడీ దాడులు…. తెలుగు రాష్ట్రాలతో సహ
దేశానికి, రాజకీయ పార్టీలకు జెండాలు ఉంటాయి గానీ మనదేశంలో ప్రత్యేకంగా ఏ రాష్ట్రానికి జెండా లేదు. ఈ విషయాలపై రేవంత్ రెడ్డిని సీనియర్లు నిలదీస్తున్నట్లు తెలుస్తోంది. ఇదే అంశంపై చర్చించేందుకు గురువారం రాత్రి కాంగ్రెస్ సీనియర్ నేత జానారెడ్డి నివాసంలో భేటీ జరిగింది. ఈ సమావేశానికి రేవంత్ రెడ్డి సహా ముఖ్య నేతలంతా హాజరయ్యారు. ఈ భేటీలో వాడివేడిగా చర్చలు జరిగినట్లు తెలుస్తోంది. సీనియర్ల సమ్మతి లేకుండా రేవంత్ ఇలాంటి పాయింట్లు తెరపైకి ఎలా తెస్తారని ప్రశ్నల వర్షం కురిపించినట్టు సమాచారం. ఈ సెప్టెంబర్ 17 నుంచి వచ్చే సెప్టెంబర్ 17 వరకూ ఈ మార్పు- చేర్పులు చేయాలన్నది రేవంత్ స్కెచ్‌గా తెలుస్తోంది. సీనియర్ల నుంచి ప్రతిఘటన ఎదురవుతున్న వేళ ఆయన శనివారం నాడు ఏదైనా ప్రకటన చేయనున్నారా? అన్న చర్చ జరుగుతోంది.
ఇవి కూడా చదవండి :
- పాత నేతలకు అవమానాలు.. కోమటిరెడ్డికి బీజేపీ హైకమాండ్ క్లాస్.. నెల రోజుల డెడ్ లైన్!
- మునుగొడులో టిఆర్ఎస్ పార్టీ గెలుపు ఖాయం.. మంత్రి జగదీశ్వర్ రెడ్డి
- రెండవ రోజు ప్రారంభమైన ఆంద్రప్రదేశ్ అసెంబ్లీ సమావేశం…. టి‌డి‌పి సభ్యుల సస్పెండ్
- హామీల అమలులో తెలంగాణకు అన్యాయం చేశారు… సీఎం కేసీఆర్
- తమ్ముడి గెలుపు కోసం అన్న ఆరాటం… త్వరలో బి‌జే‌పిలోకి వెంకట్ రెడ్డి
