అమ్మాయిని పంపుతామంటే కోటిన్నర ట్రాన్స్‌ఫర్ చేసిన డాక్టర్….

క్రైమ్ మిర్రర్, ఆన్ లైన్ డెస్క్ : హైదరాబాద్‌కు చెందిన ఓ డాక్టర్ సైబర్ నేరగాళ్ల వలలో పడి ఏకంగా కోటిన్నర రూపాయలు కోల్పోయాడు. డేటింగ్ యాప్‌లో చాటింగ్ చేసే అమ్మాయిల గురించి సెర్చ్ చేసే అతడి బలహీనతను ఆసరగా చేసుకొని సైబర్ నేరగాళ్లు ఆయణ్ని తెలివిగా మోసం చేశారు. డాక్టర్ కుటుంబసభ్యుల ఫిర్యాదుతో హైదరాబాద్ సైబర్ క్రైమ్ పోలీసులు కేసు నమోదు చేసుకొని దర్యాప్తు చేస్తున్నారు. ఇలాంటి యాప్‌ల పట్ల జాగ్రత్తగా ఉండాలని సూచించారు. హైదరాబాద్ నగరానికి చెందిన ఓ వైద్యుడి బలహీనతను గమనించి సైబర్‌ నేరగాళ్లు తెలివిగా మోసం చేశారు. ఏకంగా కోటిన్నర రూపాయలు కొట్టేశారు. డేటింగ్ సైట్‌లో అతడు యువతుల కోసం వెతుకుతున్న విషయాన్ని గుర్తించి తెలివిగా బురిడీ కొట్టించారు. పోలీసులు కౌన్సెలింగ్ నిర్వహించిన తర్వాత కూడా సదరు డాక్టర్.. సైబర్ నేరగాళ్ల మాయ మాటలు నమ్మి మరోసారి మోసపోవడం అతడి బలహీనత ఏ స్థాయిలో ఉందో తెలియజేస్తోంది..!

Also Read : తెలంగాణలో ఇప్పటికిప్పుడు ఎన్నికలు జరిగితే గెలిచేది ఆ పార్టీనే! ఆరా సంస్ఖ సర్వే ఫలితాల్లో సంచలనం

హైదరాబాద్‌కు చెందిన ఓ డాక్టర్.. గుజరాత్‌లో పనిచేస్తున్నాడు. వెబ్‌సైట్‌, యాప్‌లలో డేటింగ్‌ చేసే యువతుల కోసం ఆన్‌లైన్‌లో అతడు గాలించాడు. ఆ విషయాన్ని గమనించిన సైబర్‌ నేరగాళ్లు అటు నుంచి స్పందించారు. అమ్మాయిని పంపుతామంటూ డబ్బులు వసూలు చేశారు. ఇలా విడతల వారీగా వైద్యుడి వద్ద నుంచి రూ.40 లక్షలు కాజేశారు. మోసపోయానని గ్రహించిన సదరు డాక్టర్.. 2020 అక్టోబరులో సైబర్‌ క్రైమ్‌ పోలీసులను ఆశ్రయించాడు. కేసు దర్యాప్తులో ఉండగానే మరో రూ.30 లక్షలు నిందితుల అకౌంట్‌కు బదిలీ చేశాడు. దీంతో పోలీసులు అతడికి డేటింగ్‌ వెబ్‌సైట్ల మోసాలపై కౌన్సెలింగ్‌ ఇచ్చారు. అయినా, అతడి తీరు మారకపోవడం గమనార్హం.

Read Also : నిత్య పెళ్ళికొడుకు… వీధికో బార్య…

యువతి కోసం మళ్లీ డబ్బులు ట్రాన్స్‌ఫర్ చేయడం ప్రారంభించాడు. పలు దఫాలుగా మళ్లీ డేటింగ్‌ వెబ్‌సైట్‌ ఖాతాలకు రూ.80 లక్షలు బదిలీ చేశాడు. కుటుంబ సభ్యులు అతడి ఖాతాను పరిశీలించి గత మూడేళ్లలో మొత్తం కోటిన్నర రూపాయలకు పైగా డబ్బు బదిలీ చేసినట్లు గుర్తించారు. పోలీసులకు ఫిర్యాదు చేశారు. వారి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. ఓ సైబర్‌ నేరగాడి బ్యాంక్ అకౌంట్లో భారీగా నగదు ఉన్నట్టు గుర్తించిన పోలీసులు అతడిని అదుపులోకి తీసుకుని విచారిస్తున్నట్లు సమాచారం. ఇలాంటి డేటింగ్‌ వెబ్‌సైట్లు, యాప్‌ల పట్ల జాగ్రత్తగా ఉండాలని సైబర్‌ క్రైమ్‌ పోలీసులు సూచిస్తున్నారు.

ఇవి కూడా చదవండి : 

1. శిష్యుడిలో రోషం… బాబులో మ‌చ్చుకైనా లేదే…!
2. క్రిమినల్ కేసుల టాప్ లిస్టులో సీఎం కేసీఆర్!
3. నల్గొండ జిల్లాలో గవర్నర్ తమిళి సైకు అవమానం
4. ఉత్తమ రచయిత్రిగా మంత్రి రోజా కుమార్తె అన్షు మాలిక…
5. ప్రజాదరణలో కేసీఆర్‌ 11వ స్థానం… దిగువ నుంచి ఆరో స్థానం (20)లో జగన్…