ప్రజాదరణలో కేసీఆర్‌ 11వ స్థానం… దిగువ నుంచి ఆరో స్థానం (20)లో జగన్…

క్రైమ్ మిర్రర్, ఆన్ లైన్ ప్రతినిధి : ప్రజాదరణలో ముఖ్యమంత్రి కేసీఆర్‌ అటు అగ్రస్థానంలోనూ లేరు. ఇటు పూర్తిగా దిగువనా లేరు. ఇతర ముఖ్యమంత్రులతో పోలిస్తే మధ్యస్థంగా ఉన్నారు. సెంటర్‌ ఫర్‌ నేషనల్‌ ఒపినియన్‌ సర్వే (సీఎన్‌వోఎస్‌) తాజాగా విడుదల చేసిన సర్వే ఫలితాల్లో సీఎం కేసీఆర్‌ 11వ స్థానంలో నిలిచారు. ఆయన నాయకత్వంపై 49 శాతం మంది ప్రజలు సంతృప్తితో ఉండగా.. 19 శాతం మంది అసంతృప్తితో ఉన్నారు. 24 శాతం మంది తటస్థంగా ఉన్నారు. ప్రధాని మోదీతోపాటు దేశంలోని 25 రాష్ట్రాల ముఖ్యమంత్రులకు ప్రజాదరణ ఏ మేరకు ఉందనే అంశంపై ఇటీవల సీఎన్‌వోఎస్‌ బృందాలు ఆయా రాష్ట్రాల్లో సర్వే నిర్వహించాయి. ఈ సర్వేలో ఏపీ సీఎం జగన్‌ 20వ స్థానంలో నిలిచారు. మొత్తం 25 మంది సీఎంలలో ఆయన అడుగు నుంచి ఆరో స్థానంలో ఉన్నారు. ఏపీలో 39 శాతం మంది ఆయన నాయకత్వంపై సంతృప్తి వ్యక్తం చేశారు. 29 శాతం మంది అసంతృప్తితో ఉన్నారు. మిగిలిన 32 శాతం మంది తమ అభిప్రాయం వెల్లడించకుండా తటస్థంగా ఉండిపోయారు.

Read Also : మర్రిగూడ వైన్స్ లపై హెచ్ఆర్సిలో పిర్యాదు… నకిలీ మద్యం విక్రయం

ఇక, దేశంలో ప్రస్తుతం అత్యంత ప్రజాదరణ పొందిన సీఎంగా ఒడిసా ముఖ్యమంత్రి నవీన్‌ పట్నాయక్‌ నిలిచారు. ఆ రాష్ట్రంలో 70 శాతం ప్రజలు ఆయన నాయకత్వంపై పూర్తి సంతృప్తితో ఉండగా.. 19 శాతం మందే అసంతృప్తి వ్యక్తం చేశారు. దేశంలో జనాదరణ పొందిన మొదటి ఐదుగురు ముఖ్యమంత్రుల్లో నవీన్‌ 51 పాయింట్ల నికర ఆమోదంతో ప్రథమ స్థానంలో నిలవగా.. తర్వాతి స్థానాల్లో వరుసగా యోగి ఆదిత్యనాథ్‌ (ఉత్తరప్రదేశ్‌), ఉద్ధవ్‌ ఠాక్రే (మహారాష్ట్ర-ఇటీవలే రాజీనామా చేశారు), హిమంత బిశ్వ శర్మ (అసోం), భగవంత్‌సింగ్‌ మాన్‌ (పంజాబ్‌) నిలిచారు. జగన్‌ తర్వాత అట్టడుగున నిలిచిన సీఎంలలో మనోహర్‌లాల్‌ ఖట్టర్‌ (హరియాణా), బసవరాజ్‌ బొమ్మయ్‌ (కర్ణాటక), నీఫూ రియో (నాగాలాండ్‌), ప్రమాద్‌ సావంత్‌ (గోవా), మాణిక్‌ సాహా (త్రిపుర) ఉన్నారు. సీఎన్‌వోఎస్‌ తాజా సర్వే ప్రకారం ప్రధాని మోదీకి ప్రజాదరణ స్వల్పంగా పెరిగింది. గతంతో పోలిస్తే నికర ఆమోదం రేటింగ్‌ 36 పాయింట్లకు చేరుకుంది. దేశంలో 54 శాతం మంది ఆయన నాయకత్వాన్ని ఆమోదించారు. 18 శాతం మంది అసంతృప్తితో ఉన్నారు.

ఇవి కూడా చదవండి : 

1. అధికారులను బెదిరిస్తున్న కూసుకుంట్ల? మునుగోడు తహశీల్దార్ వివరణ అందుకేనా..
2. కీచక ఎస్ఐ అరాచకాలు… స్టడీ మేటిరియల్ ఇస్తానంటు యువతి పై …
3. కోట్లకు పడలేత్తిన సిఐ నాగేశ్వరరావు…. ప్రయివేటు సేనతో కలక్షన్లు..
4. వరద నీటిలో..’గర్భిణి ప్రసవ వేదన’ స్పందించిన… సర్పంచ్
5. ముసలోడు కాదు…. మృత్యుంజయుడు… భూమి మీద బ్రతకాలని