భారీ చోరీ కి పాల్పడిన నిందితుడూ అరెస్ట్..

• చోరీ సొత్తు స్వాధీనం చేసుకున్న పోలీసులు…

సైబరాబాద్, క్రైమ్ మిర్రర్ :  భారీ చోరీకి పాల్పడ్డ నిందింతున్ని మాదాపూర్ పోలీసులు అరెస్ట్ చేసి, చోరీ సొత్తును స్వాధీనం చేసుకున్నారు. ఇందుకు సంబంధించిన వివరాలు గచ్చిబౌలి లోని మాదాపూర్ డిసిపి కార్యాలయంలో ఏర్పాటు చేసిన విలేకరుల సమావేశంలో డిసిపి శిల్పవల్లి తెలిపిన వివరాల ప్రకారం నారాయణ్ పెట్ జిల్లా, ఎక్లాస్ పూర్ గ్రామానికి చెందిన శంకర్ కుటుంబం మాదాపూర్ కావూరి హిల్స్ లో నివసించే వ్యాపారి వాసు దేవరెడ్డి ఇంట్లో గతంలో వాచ్ మెన్ గా పని చేశారు. అప్పుడు యజమాని లేని సమయంలో ఇంటి తాలన్ని డూప్లికేట్ తాళం తయారు చేసుకుని, పని మానేసి వారి సొంత ఊరికి వెళ్లిపోయారు. వాచ్ మెన్ శంకర్ కుమారుడు శివకుమార్  గతంలోనే ఓ అపార్ట్ మెంట్ లో రాయల్ ఎన్ ఫీల్డ్ బైక్ ను దొంగిలించి నెంబర్ ప్లేట్ మార్చేశాడు. ఫిబ్రవరి 24 వ తేదీ నాడు వాసుదేవ రెడ్డి ఇంటికి తాళం వేసి అజీజ్ నగర్ లో ఉండే తన స్నేహితుని ఇంటికి వెళ్ళాడు.

ఈ విషయం తెలుసుకున్న శివకుమార్ కావూరి హిల్స్ కు వచ్చి  నకిలీ తాళంతో  నేరుగా బెడ్ రూమ్ లోకి వెళ్లి అల్మారాను స్క్రూ డ్రైవర్ తో తొలిగించి అందులో నుండి 20 లక్షల నగదు, కొన్ని విదేశీ నోట్లు, బంగారు ఆభరణాలు, కొన్ని ఇతర విలువైన వస్తువులు తీసుకొని 25 నాడు తన దొంగ బైక్ పై సొంతూరు కు పారిపోతుండగా శంషాబాద్, చటన్ పల్లి వద్ద పోలిసులు పట్టుకొని విచారించగా చేసిన నేరాన్ని అంగీకరించాడు. అతని వద్దనుండీ బ్లూ కలర్ బ్యాగ్, 24 లక్షల 63 వేల నగదు,14 తులాల బంగారు ఆభరణాలు, 8134 యూ ఎస్ డాలర్లు,ఇతర విలువైన వస్తువులు మొత్తం 50 లక్షల విలువ గల చోరీ సొత్తుతో పాటు, బైకు, స్క్రూ డ్రైవర్ లను స్వాధీనం చేసుకుని కేసు దర్యాప్తు చేస్తున్నారు.

ఈ కేసును తొందరగా చేధించిన మాదాపూర్ పోలీస్ సిబ్బందికి రివాడ్లు ప్రకటించారు. ఈ కార్యక్రమంలో ఏసీపీ రఘునందన్ రావు, సి ఐ రవీంద్ర ప్రసాద్, డి ఐ మధు, ఎస్సైలు రాజేంద్ర, సుఖేందర్ రెడ్డి, మోహన్ రెడ్డి, డి ఏసీ ఐ సర్దార్, ఏ ఎస్ ఐ వెంకటేశం, కానిస్టేబుళ్ళు సత్యనారాయణ రెడ్డి, రాజేష్, జగన్,చిన్నయ్య, వెంకటేశం, రాఘవేందర్,సిద్దేశ్వర్, మన్సూర్, శ్రావణ్ కుమార్, శ్రీనివాస్, లక్ష్మప్ప, బాల్రాజు,రవీందర్ తదితరులు పాల్గొన్నారు.

ఇవి కూడా చదవండి ..

1. సీఎం జ‌గ‌న్ మెడ‌కు వివేక హ‌త్య కేసు?
2. జూన్ లో కొవిడ్ ఫోర్త్ వేవ్… మహమ్మారి పీడ ఇప్పట్లో పోదా..!
3. అర్ధరాత్రి.. బస్సు వెనక సీటులో మహిళపై డ్రైవర్ అత్యాచారం!
4. కాంగ్రెస్ టికెట్లపై రేవంత్ రెడ్డి సంచలనం..
5. కారెక్కనున్న పీకే.. తెలంగాణలో సంచలనం?