పార్టీలు మార్చడం లో దిట్ట … ప్రజలను ఏమార్చడం లో మహా దిట్ట

అక్రమ వసూళ్ళలో ఆయనకు ఆయనే సాటి
ఐదేళ్ల అధికార పార్టీ లో చక్రం తిప్పిన ఘనుడు
ఎన్నికల్లో బాహుబలి అవుతాడని అనుకుంటే.
కట్టప్ప లా వెన్నుపోటు పొడిచాడు
నమ్మి పదవినిచ్చిన సుధీర్ రెడ్డి కి హ్యాండ్ ఇచ్చాడు

క్రైమ్ మిర్రర్ ప్రతినిధి : పార్టీలను మంచి నీళ్లు తగినంత సులువుగా మార్చగలడు . కండువా లను కాళ్ళ కు చెప్పులు మార్చినంత ఈజీగా మార్చేయగలడు .  పార్టీలను మార్చడం లో ఎంతటి దిట్ట నో , ప్రజలను ఏమార్చడం లో అంతటి ఘనుడు . సెటిల్మెంట్ , అక్రమ వసూళ్ళలో ఆయనది అందె  వేసిన చెయ్యి . ఎటువంటి  అధికారం అన్నది లేకముందే, అధికార పార్టీ డివిజన్ అధ్యక్షుడి హోదా లో   అక్రమ నిర్మాణదారుల నుంచి భారీగా మామూళ్లు   వసూళ్ల  చేశాడు .  టీఆరెస్ , కాంగ్రెస్ , ప్రస్తుతం బీజేపీ లో కొనసాగుతున్న ఆ నాయకుడు , జీహెచ్ ఎంసీ ఎన్నికల్లో బిఎన్ రెడ్డి డివిజన్ నుంచి పోటీ చేస్తున్నాడు . అధికార పార్టీ లో ఐదేళ్ల పాటు కొనసాగిన ఆయన్ని ఎల్బీ నగర్ టీఆరెస్ ఇంచార్జ్ ముద్దగోని రామ్మోహన్ గౌడ్ నమ్మి అధ్యక్ష పదవి అప్పగించాడు . అసెంబ్లీ  ఎన్నికల నాటికి తన కుడి భుజం మాదిరిగా తోడుగా ఉంటాడనుకుంటే , ఎన్నికల ముందు కాంగ్రెస్ లోకి జంప్ అయి తాను బాహుబలి కాదు … కట్టప్ప అనిపించుకున్నాడు .  కాంగ్రెస్ పార్టీ లో చేరకముందు  బిఎన్ రెడ్డి డివిజన్ టీఆరెస్ అధ్యక్షుని హోదా లో అయన సాగించిన అక్రమాలు అన్ని, ఇన్ని కాదని పలువురు ఆరోపిస్తున్నారు . సిరిపురం కాలనీ లో చేపట్టిన  అక్రమ నిర్మాణాలు వెనుకనున్న రింగ్ మాస్టర్ ఆయనేనని అంటున్నారు . ఇక డివిజన్ లో రిజిస్ట్రేషన్ల సమస్య ఉండడం తో, మున్సిపల్ నుంచి ఎటువంటి  అనుమతులు లేకుండా స్థానికంగా పెద్ద ఎత్తున నిర్మాణాలు జరిగాయి . అయితే ఆ నిర్మాణదారులు వద్దకు మున్సిపల్ అధికారులను ఆయనే పంపించి , వారిని పిలిచి ఆయనే సెటిల్మెంట్ పేరిట వసూళ్లు చేసేవాడని ఒకరిద్దరు భవన నిర్మాణదారులు ప్రయివేట్ సంభాషణల్లో చెప్పుకొచ్చారు . రామ్మోహన్ నమ్మి రాజకీయంగా ప్రోత్సహిస్తే అసెంబ్లీ ఎన్నికల ముందు పార్టీ మారి ఆయనకు రాజకీయంగా వెన్నుపోటు పొడిచిన వ్యక్తి  , నమ్మి పదవి ఇచ్చిన ఎల్బీ నగర్ ఎమ్మెల్యే సుధీర్ రెడ్డి నమ్మకాన్ని వమ్ము చేస్తూ , జీహెచ్ ఎంసీ ఎన్నికలకు ముందు కార్పొరేట్ టికెట్ కోసం ఆయనకు హ్యాండ్ ఇచ్చాడు . అధికారం లేకముందే అక్రమ వసూళ్లు చేసినవాడు , నమ్మి రాజకీయంగా అవకాశాలు ఇచ్చిన వారిని నట్టేట ముంచిన వ్యక్తి నమ్మి ఓట్లు వేసిన ప్రజలకు ఎంత మాత్రం సేవ చేస్తాడో బిఎన్ రెడ్డి ఓటర్లు ఒక్కసారి ఆలోచించుకోవాలని రాజకీయ పరిశీలకులు సూచిస్తున్నారు .